ՌԴ-ն կզրկի միգրանտներին քաղաքացիությունից՝ անկախ հանցանքի վաղեմությունից

Ռուսաստանում պատրաստվում են օրենքի փոփոխություն, ըստ որի՝ միգրանտները կարող են զրկվել ձեռք բերված քաղաքացիությունից՝ անկախ այն բանի, թե երբ է կատարվել հանցանքը։ Ինչպես հայտարարել է Պետդումայի փոխխոսնակ Իրինա Յարովայան, որոշումը կընդունվի բոլոր այն անձանց նկատմամբ, ովքեր բռնի հանցագործություններ են կատարել երեխաների նկատմամբ կամ առնչություն են ունեցել ծայրահեղականության ու ահաբեկչության հետ։

Յարովայան ընդգծել է, որ դատավճռի ժամկետը կամ հանցանքի վաղեմությունը չեն խոչընդոտելու քաղաքացիությունից զրկելու գործընթացին։ Նախագիծը ներկայացվել է Պետդումայի պաշտոնական կայքում։

Ավելի վաղ խոսնակ Վյաչեսլավ Վոլոդինը հայտնել էր, որ ընդլայնվում է այն հանցանքների ցանկը, որոնց դեպքում հնարավոր է զրկել միգրանտներին քաղաքացիությունից։ Ցանկում ներառվել են մանկապղծության դեպքեր, ապօրինի միգրացիայի կազմակերպում, ինչպես նաև հանցագործություններ ծայրահեղական դրդապատճառներով կամ ահաբեկչության և դիվերսիայի արդարացման նպատակով։