Մասնագետները կանխատեսում են ոսկու գների աճ մինչև 15%՝ մինչև 2025-ի վերջ

Վերջին կանխատեսման համաձայն, 2025 թվականի երկրորդ կեսին ոսկու գինը կարող է աճել առնվազն 5 տոկոսով։ Այդ մասին հայտնել է Ոսկու համաշխարհային խորհուրդը (WGC)՝ նշելով նաև այլ հնարավոր սցենարներ՝ կախված գլոբալ տնտեսական իրավիճակից։

Եթե համաշխարհային ֆինանսական և տնտեսական անկայունությունն էլ ավելի խորանա, պահանջարկը «անվտանգ ակտիվների» նկատմամբ կաճի, ինչը կարող է բերել ոսկու մինչև 15 տոկոս թանկացման։ Միաժամանակ, եթե տեղի ունենա լայնամասշտաբ խաղաղ կարգավորում աշխարհում, ոսկու գինը կարող է նվազել 12–17 տոկոսով։

Նշենք, որ ըստ վերջին տվյալների՝ Ռուսաստանը գտնվում է վեցերորդ հորիզոնականում՝ ոսկու պաշարների ծավալով։ Առաջին տեղում ԱՄՆ-ն է, հաջորդում են Գերմանիան, Իտալիան, Ֆրանսիան և Չինաստանը։