Զելենսկին չպետք է հարձակվի Մոսկվայի վրա․ Թրամփ

ԱՄՆ նախագահ Դոնալդ Թրամփը հայտարարել է, որ Վոլոդիմիր Զելենսկին չպետք է թիրախավորի Մոսկվան, հաղորդում է Reuters-ը։

Ավելի վաղ Financial Times-ը և The Washington Post-ը, հղում անելով աղբյուրներին, գրել էին, որ  Թրամփը հարցրել է Վոլոդիմիր Զելենսկուն, թե արդյո՞ք Կիևը կարող է հարվածել Մոսկվային կամ Սանկտ Պետերբուրգին: FT-ն գրել էր, որ պարոն Զելենսկին, իբր, ԱՄՆ նախագահից զենք է խնդրել այդ նպատակների համար: FT-ի աղբյուրները պնդում են, որ Դոնալդ Թրամփը աջակցել է այս նախաձեռնությանը, քանի որ, նրա կարծիքով, դա Ռուսաստանին կստիպի «զգալ ցավը» և նստել բանակցությունների սեղանի շուրջ:

Սպիտակ տունը ավելի ուշ հայտնեց, որ ԱՄՆ նախագահը «պարզապես խնդրում էր» պարոն Զելենսկուն և կոչ էր անում չհարվածել Մոսկվային։