Մեկնարկել են «Հարրի Փոթեր» նոր հեռուստասերիալի նկարահանումները

Ամերիկյան HBO հեռուստաընկերությունը պաշտոնապես սկսել է «Հարրի Փոթեր» ֆիլմաշարի հիման վրա նոր սերիալի նկարահանումները Մեծ Բրիտանիայում: Այս մասին հայտնել է ամերիկյան Warner Bros. Discovery մեդիա կոնգլոմերատի մամուլի ծառայությունը:

«HBO Original-ի «Հարրի Փոթեր» սերիալի նկարահանումները սկսվել են Warner Bros.-ի «Լիվսդեն» ստուդիայում, որ գտնվում է Մեծ Բրիտանիայում։ Սերիալի պրեմիերան կկայանա 2027 թվականին HBO-ով և HBO Max-ով, որտեղ այն հասանելի կլինի Գերմանիայում, Իտալիայում և Մեծ Բրիտանիայում», - ասվում է կայքում տեղադրված մամուլի հաղորդագրության մեջ։