Թրամփը կորցրել է համբերությունը․ WSJ

ԱՄՆ նախագահ Դոնալդ Թրամփը կորցրել է համբերությունը Ռուսաստանի նախագահ Վլադիմիր Պուտինի նկատմամբ՝ Ուկրաինայի ավիահարվածների կադրերը դիտելուց հետո: Այս մասին, վկայակոչելով բարձրաստիճան աղբյուրներ, հայտնում է The Wall Street Journal թերթը։

Ինչպես նշել են պարբերականի աղբյուրները, Թրամփն այդ մասին հայտնել է Գերմանիայի կանցլեր Ֆրիդրիխ Մերցին հեռախոսազրույցի ժամանակ:

«Մերցը զարմացավ, բայց արագ հասկացավ՝ Թրամփը կորցրել է համբերությունը Պուտինի նկատմամբ։ Վերջինս պատրաստակամություն է  հայտնել ընդունել Մերցի առաջարկը՝ օգտագործել գերմանական միջոցները Ուկրաինայի համար ամերիկյան զենք գնելու համար», - գրել է պարբերականը։