Գնաճ․ Аи-95 բենզինի գինը հասել է սեպտեմբերից ի վեր առավելագույնին

Հուլիսի 16-ին Պետերբուրգի բորսայում Аи-95 տեսակի բենզինը թանկացել է մինչև 72 998 ռուբլի մեկ տոննայի դիմաց՝ բարձրանալով 1,15 տոկոսով։ Սա վառելիքի գնի ամենաբարձր մակարդակն է սեպտեմբեր 2023-ից ի վեր։ Աи-92 տեսակի բենզինն էլ հասել է 64 876 ռուբլու՝ մոտենալով նախորդ տարվա առավելագույն ցուցանիշներին, գրում է Лента.ру-ն։

Բենզինի գները շարունակում են աճել դեռևս ամռան սկզբից։ Կառավարությունը արդեն նախազգուշացրել է, որ եթե գնաճը չկանգ առնի, ապա հնարավոր է՝ սեպտեմբերից լիարժեք արգելվի բենզինի արտահանումը ոչ միայն փոքր արտադրողների, այլև խոշոր ընկերությունների համար։

Միաժամանակ Միջազգային էներգետիկ գործակալությունը կասկածի տակ է դրել Ռուսաստանի կարողությունը՝ պահելու նավթի բարձր արդյունահանման մակարդակ, քանի որ հունիսին նավթամթերքների արտահանումը կրճատվել է գործարանային վերանորոգումների և վերամշակման նվազման պատճառով։ Ըստ պաշտոնական տվյալների՝ 2025-ի առաջին հինգ ամիսներին նավթի արդյունահանումը Ռուսաստանում կրճատվել է 3,5%-ով, իսկ գազինը՝ 3%-ով։