Ասիական երկրների հաշվարկներում ռուբլու մասնաբաժինը գերազանցել է 50 տոկոսը

2025 թվականի մայիսին ռուսական արտադրանքի դիմաց Ասիայի երկրների վճարումների կառուցվածքում ռուբլու մասնաբաժինը գերազանցել է 50 տոկոսը՝ հասնելով 50,7 տոկոսի։ Այս մասին հայտնել է Ռուսաստանի Կենտրոնական բանկը՝ նշելով ռուբլու աճող դերը միջազգային հաշվարկներում։

Ապրիլին ցուցանիշը կազմել էր 48,7 տոկոս, իսկ վերջին ամսում ավելացել է ևս 2 տոկոսային կետով։ Այսպիսով, ռուբլին դարձել է հիմնական արժույթը ռուսական ապրանքների և ծառայությունների վճարումների համար տարբեր աշխարհագրական տարածաշրջաններում, գրում է Лента.ру-ն։

Մասնավորապես, ռուբլով կատարվել է ռուսական արտահանման վճարումների 51,9 տոկոսը Հյուսիսային Ամերիկայում, 59,8 տոկոսը՝ Եվրոպայում, 84,6 տոկոսը՝ Աֆրիկայում։ Ամենաբարձր ցուցանիշն ունեն Կարիբյան ավազանի երկրները՝ 92,1 տոկոս, և Օվկիանիայի պետությունները՝ 94,2 տոկոս։