Ռուսաստանում բացատրել են, թե ինչու ԱՄՆ-ն ոչնչացրել է Աֆղանստանի երեխաների համար նախատեսված բլիթները

ՌԴ Պետդումայի պատգամավոր Սվետլանա Ժուրովան հայտարարել է, որ ԱՄՆ նախագահ Դոնալդ Թրամփի վարչակազմը կարող էր ոչնչացնել Աֆղանստանի և Պակիստանի երեխաների համար նախատեսված բլիթները, քանի որ դրանք, հավանաբար, եղել են ժամկետանց։ Այդ մասին նա ասել է «Լենտա.ռու»-ին։

«Հավանաբար, դրանք մի փոքր ժամկետանց էին։ Նորմալ բլիթն այդքան երկար չէր պահպանվի, եթե դեռ Բայդենի ժամանակներից էր։ Պարզապես ժամկետանց էր», — նշել է Ժուրովան՝ հավելելով, որ նման պարագայում Թրամփին կարող էին մեղադրել երեխաներին թունավորելու մեջ։

The Atlantic-ի տվյալներով՝ ոչնչացված 500 տոննա բարձր կալորիականությամբ բլիթը նախատեսված էր մոտ 1.5 միլիոն երեխայի համար՝ որպես հրատապ օգնություն աղետներից կամ պատերազմից տուժած ընտանիքներին։ Այն պահվել է Դուբայում գտնվող պահեստում և գնվել էր դեռ Բայդենի վարչակազմի օրոք։