Թուրքիայում հրապարակել են Էրդողանի գլխավոր ընդդիմախոսի դատավճիռը

Ստամբուլի ձերբակալված քաղաքապետ և Թուրքիայի նախագահ Ռեջեփ Թայիփ Էրդողանի գլխավոր քաղաքական հակառակորդներից մեկը՝ Էքրեմ Իմամօղլուն, դատապարտվել է 1 տարի 8 ամիս ազատազրկման՝ պետական ծառայողին վիրավորելու համար: Այս մասին հայտնում է թուրքական Habertürk հեռուստաալիքը։

«Էքրեմ Իմամօղլուն դատապարտվել է 1 տարի 8 ամիս ազատազրկման՝ ծառայողական պարտականությունները կատարելիս պաշտոնյային հրապարակայնորեն վիրավորելու և սպառնալու համար», - ասված է հաղորդագրության մեջ: