Ջերմային հարվածից մահացած զինվորի դեպքով քրեական գործ է հարուցվել

Սախալինի շրջանում իրավապահները քրեական գործ են հարուցել 19-ամյա ժամկետային զինծառայող Դանիիլ Մինյայլոյի մահվան կապակցությամբ։ Զինվորը ենթարկվել էր ջերմային հարվածի՝ ծառայության ընթացքում, ինչի հետևանքով մահացել էր, հայտնում է Лента.ру-ն։

Գործը հարուցվել է ՌԴ ՔՕ 293-րդ հոդվածով՝ «Անփութություն»։ 318-րդ կայազորային ռազմական դատախազությունն արդեն սկսել է քննությունը։ Տարածաշրջանի իշխանություններն ընդգծել են, որ զինվորի ընտանիքը դեռ չեն դիմել իրենց, սակայն պատրաստ են տրամադրել անհրաժեշտ աջակցություն։

Հաղորդագրության համաձայն՝ Մինյայլոն ծառայել է Սախալինի ռազմական մասում, որտեղ էլ տեղի է ունեցել ողբերգությունը։