ՌԴ Պետդուման արձագանքել է Փաշինյանի հայտարարությանը՝ Հայաստանի հնարավոր դուրս գալու մասին ՀԱՊԿ-ից

ՌԴ Պետդումայի պաշտպանության կոմիտեի ղեկավար Անդրեյ Կարտապոլովը հայտարարել է, որ Հայաստանի դուրս գալը ՀԱՊԿ-ից ժողովրդի առաջնահերթությունը չէ։ Այսպես է նա մեկնաբանել վարչապետ Նիկոլ Փաշինյանի վերջին հայտարարությունը, որի համաձայն՝ երկրի դուրս գալը դաշինքից այժմ ավելի հավանական է, քան անդամակցության վերականգնումը։

Կարտապոլովը նշել է, որ բացի Փաշինյանից, գոյություն ունի նաև հայ ժողովուրդ և օրենսդիր մարմին, և պետք չէ որոշումներ կայացնել միայն մեկ մարդու հայտարարությունների հիման վրա։

«Փաշինյանները գալիս ու գնում են, իսկ Հայաստանը մնում է», — հավելել է ռուս պատգամավորը՝ ընդգծելով, որ նման հարցերը պետք է լուծել հանգիստ և դիվանագիտական ճանապարհով, հայտնում է Лента.ру-ն։