Գերմանիան հերքել է Patriot համակարգերի մատակարարման մեկնարկը Ուկրաինային

Գերմանիայի պաշտպանության նախարարությունը հայտարարել է, որ դեռ չի սկսել Patriot զենիթահրթիռային համակարգերի մատակարարումը Ուկրաինային։ Այս մասին հայտնել է նախարարության մամուլի ծառայության ղեկավարի տեղակալ Միտկո Մյուլլեն՝ արձագանքելով ԶԼՄ-ներում շրջանառվող լուրերին։

Նրա խոսքով՝ գործարքի համաձայնեցման գործընթացը դեռ ընթացքի մեջ է՝ ԱՄՆ-ի և ՆԱՏՕ-ի հետ համատեղ։

Ավելի վաղ ԱՄՆ նախկին նախագահ Դոնալդ Թրամփը հայտարարել էր, որ առաջին մատակարարումները արդեն սկսվել են՝ նշելով, թե համակարգերը Գերմանիայից են ուղարկվում Ուկրաինա և ապա փոխարինվում նորերով։ Թրամփն առաջարկել էր նաև Գերմանիայի կանցլեր Ֆրիդրիխ Մերցին գնել 5 Patriot համակարգ՝ նախատեսված 2-ի փոխարեն։ Մերցը համաձայնել էր, սակայն նոր մատակարարումների ֆինանսավորումը դեռ պետք է քննարկվի եվրոպացի մյուս առաջնորդների հետ, հայտնում է Лента.ру-ն։