Սիրիայի քաոսի հիմքում՝ տարիների բռնապետություն և քաղաքական տեսլականի բացակայություն

Քաղաքական վերլուծաբան Սամի Աքիլը կարծում է, որ Սիրիայում տիրող անկայունությունը բազմաշերտ պատճառներ ունի։ «Շատ բան ժառանգություն է՝ 14 տարվա պատերազմից և 54 տարվա բռնապետությունից՝ Ասադների ռեժիմի ժամանակ», — ասել է նա Al Jazeera-ին։

Նրա խոսքով՝ ներկայիս կառավարությունը խոսում է ճիշտ արժեքներից, սակայն չի կարողանում դա հաստատել կոնկրետ քայլերով։ Հատկապես բացակայում է համապարփակ և ներառական կառավարման համակարգ, որտեղ սիրիական հասարակության բոլոր շերտերը ներկայացված կլինեն։

Աքիլը նաև նշել է, որ երկխոսության փորձերը շատ արագ և մակերեսային են եղել։ Փետրվարին անցկացված «երկխոսության օրն» ու դրան հաջորդած սահմանադրական հայտարարությունը մեծ քննադատության արժանացան՝ նախագահի ձեռքում իշխանությունը կենտրոնացնելու համար։ Այդուհանդերձ, կառավարության առանցքային պաշտոններն այսօր վերահսկում են անձինք, որոնք նախկինում կապ են ունեցել թե՛ Ասադի ռեժիմի, թե՛ ընդդիմադիր «Թահրիր ալ-Շամ»-ի հետ։