ԱՄՆ-ն մտահոգություն է հայտնել Իսրայելի հարվածների կապակցությամբ Սիրիայում

ԱՄՆ-ն պաշտոնապես հայտնել է իր մտահոգությունը՝ կապված Իսրայելի կողմից Սիրիայի տարածքում իրականացվող հարվածների հետ։ Ինչպես փոխանցում է Reuters-ը, այդ մասին հայտարարել է ԱՄՆ պետական քարտուղար Մարկո Ռուբիոն։

Նրա խոսքով՝ Վաշինգտոնը ակտիվ քննարկումներ է վարում բոլոր շահագրգիռ կողմերի հետ՝ լարվածության խորացումը կանխելու նպատակով։

Հիշեցնենք, որ վերջին օրերին Իսրայելը մի շարք օդային հարվածներ է հասցրել Դամասկոսին և Սուեյդայի տարածաշրջանին՝ պատճառաբանելով դրուզ համայնքի պաշտպանությունը։