ՄԱԿ-ի գլխավոր քարտուղարը դատապարտել է Իսրայելի ավիահարվածները Սիրիայում
Աշխարհ
ՄԱԿ-ի գլխավոր քարտուղար Անտոնիո Գուտերեշը դատապարտում է Իսրայելի կողմից Սիրիայի տարածքին հասցված հարվածները և կոչ է անում դադարեցնել Արաբական Հանրապետության ինքնիշխանության և տարածքային ամբողջականության խախտումը, հայտարարել է նրա ներկայացուցիչ Ստեֆան Դյուժարիկը։
«Գլխավոր քարտուղարը դատապարտում է Սուեյդայի, Դարայի և Դամասկոսի վրա Իսրայելի կողմից ավիահարվածները, ինչպես նաև Գոլանի բարձունքներում Իսրայելի պաշտպանության բանակի ուժերի վերաբաշխման մասին հաղորդագրությունները։ Նա կոչ է անում անհապաղ դադարեցնել Սիրիայի ինքնիշխանության և տարածքային ամբողջականության բոլոր խախտումները և իրականացնել 1974 թվականի ուժերի տարանջատման մասին համաձայնագիրը», - լրագրողների հետ ճեպազրույցի ժամանակ ասել է Դյուժարիկը։
Չորեքշաբթի օրը Իսրայելի պաշտպանության նախարար Իսրայել Կացը սպառնացել է «ցավոտ հարվածներով», եթե Սիրիայի կառավարությունը չդադարեցնի Սուեյդայի հարավային ՍԱՀ շրջանի դրուզ համայնքի վրա հարձակումները: Սիրիական հեռուստատեսությունը հաղորդել է, որ իսրայելական ինքնաթիռները մի շարք ավիահարվածներ են հասցրել Դամասկոսի կենտրոնում գտնվող Գլխավոր շտաբի շենքին, ինչպես նաև նախագահական պալատի տարածքում: Արաբական Հանրապետության առողջապահության նախարարությունը նշել է, որ Դամասկոսի վրա Իսրայելի ավիահարվածների հետևանքով զոհվել է մեկ քաղաքացիական անձ, իսկ վիրավորվել՝ 18-ը:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
