Թուրքիան ակնկալում է Սիրիայում հրադադարի հաստատում՝ առաջիկա ժամերին․ Ֆիդան

Թուրքիայի արտաքին գործերի նախարար Հաքան Ֆիդանը հայտարարել է, որ առաջիկա մի քանի ժամվա ընթացքում Սիրիայի հարավում հրադադար է ակնկալում։ Նա նշել է, որ Անկարան  Իսրայելին է փոխանցել տարածաշրջանում ստեղծված իրավիճակի վերաբերյալ իր մտահոգությունները։

«Մենք աշխատում ենք տարածաշրջանում մեր մտերիմ ընկերների հետ։ Մենք աշխատում ենք ԱՄՆ-ի հետ և հույս ունենք, որ առաջիկա երեք-չորս ժամվա ընթացքում կլինի լռության և հրադադարի ժամանակաշրջան», - նախարարի խոսքերն է մեջբերում Թուրքիայի արտաքին գործերի նախարարությունը։