Ռուսաստանի տարածքում ոչնչացվել է ուկրաինական 40 անօդաչու թռչող սարք

Ռուս զինվորականները հայտնել են, որ Մոսկվայի ժամանակով ժամը 20:00-ից մինչև 23:00-ն ընկած ժամանակահատվածում խոցվել է 40 ուկրաինական անօդաչու թռչող սարք։

Ռուսաստանի պաշտպանության նախարարության տվյալներով՝ Բելգորոդի մարզում խոցվել է 29 անօդաչու թռչող սարք, Բրյանսկի մարզում՝ ինը, իսկ Լիպեցկի մարզում՝ երկու անօդաչու թռչող սարք։

Ավելի վաղ Բելգորոդի մարզի նահանգապետ Վյաչեսլավ Գլադկովը հայտնել էր , որ մարզի վրա հարձակման հետևանքով մեկ մարդ զոհվել է, հինգը՝ վիրավորվել։