Սլովակիան երբեք չի աջակցի ԵՄ-ի՝ ռուսական գազից հրաժարվելու նախաձեռնությանը. վարչապետ Ֆիցո

Սլովակիան երբեք չի աջակցի 2028 թվականի հունվարի 1-ին ռուսական գազից հրաժարվելու ԵՄ նախաձեռնությանը։ Այս մասին սոցիալական ցանցի X էջում գրել է հանրապետության վարչապետ Ռոբերտ Ֆիցոն։

«Այս առաջարկը ներկայացնելով՝ Եվրոպական հանձնաժողովը կոպտորեն անտեսում է Եվրոպական խորհրդի կողմից հաստատված քաղաքական մանդատը։ Որպես Սլովակիայի Հանրապետության վարչապետ՝ իմ դիրքորոշումը այս հարցում հետևողական է և չպետք է որևէ մեկի համար անակնկալ լինի», - ասել է Ֆիցոն։

Նա ԵՄ նախաձեռնությունն անվանել է «պատժամիջոց» և ընդգծել, որ այն կապում է Ռուսաստանի դեմ առաջարկվող սահմանափակումների 18-րդ փաթեթի հետ։ Սլովակիայի վարչապետը ընդգծել է, որ սահմանափակումների այս փաթեթի վերաբերյալ քվեարկությունը պետք է տեղի ունենա միայն այն բանից հետո, երբ լուծվեն ռուսական էներգետիկ ռեսուրսներից հրաժարվելու նախաձեռնության հետ կապված էական ռիսկերը։