Կիմ Չեն Ընը կարող է այցելել Ռուսաստան

ԿԺԴՀ-ի ղեկավար Կիմ Չեն Ընը հրավեր ունի այս տարի այցելելու Ռուսաստան։ Այցի պարամետրերը մշակվում են։ Այս մասին հայտնել է Ռուսաստանի արտաքին գործերի նախարարությունը, գրում է ՌԻԱ Նովոստին։

«ԿԺԴՀ պետական գործերի նախագահ, ընկեր Կիմը պաշտոնական հրավեր է ստացել Ռուսաստանի նախագահից՝ այս տարի պաշտոնական այցով ժամանելու մեր երկիր։ Այցի կոնկրետ պարամետրերը, այդ թվում՝ ամսաթվերը, մշակվում են դիվանագիտական ուղիներով», - գործակալությանը հայտնել է գերատեսչության ղեկավարի տեղակալ Անդրեյ Ռուդենկոն։