Ռուսաստանը կարող է խոշոր հարձակում սկսել առաջիկա օրերին՝ 160 000 զինվորականով․ CNN

Ռուսաստանի զինված ուժերը կարող են առաջիկա օրերին և շաբաթներին լայնածավալ հարձակում սկսել Ուկրաինայում՝ ներգրավելով 160 000 զինվորականի։ Սա է ամերիկյան CNN հեռուստաալիքի գնահատականը։

Ինչպես հետևում է նյութից, ԱՄՆ նախագահ Դոնալդ Թրամփի վերջնագրում նշված 50 օրը Ռուսաստանին հնարավորություն է տալիս օգտվել վերջին շաբաթների նվաճումներից, որոնք ավելի ու ավելի են սպառնում «ուկրաինական հիմնական ամրություններին», այդ թվում՝ ԴԺՀ-ում։

«Կարծում ենք, որ Ռուսաստանը մի քանի օր կամ շաբաթ հեռու է ամառային ինտենսիվ հարձակողական գործողություն սկսելուց, հնարավոր է՝ օգտագործելով 160 000 զինվորականի, որոնք, ըստ ուկրաինացի պաշտոնյաների, կուտակվում են առաջնագծի մոտ», - պնդում է CNN-ը։

Հեռուստաալիքը նշում է, որ Ուկրաինայի զինված ուժերի համար այս պահին հիմնական քաղաքներն են Պոկրովսկը, Կոնստանտինովկան և Կուպյանսկը, և ամենուրեք Ռուսաստանի զինված ուժերը ճնշում են գործադրում և աստիճանաբար առաջ են շարժվում։