Մոսկվայի երկնքում փորձել են լազերով կուրացնել ռուս օդաչուներին

Airbus A320 օդանավի օդաչուները, որը դեպի Մոսկվա էր ժամանում Սոչիից, հայտնել են, որ իրենց փորձել են կուրացնել կանաչ լազերային ճառագայթով՝ մայրաքաղաքից 48 կիլոմետր հեռավորության վրա։ Դեպքը տեղի է ունեցել հուլիսի 17-ի գիշերը։

Թեև լազերը ժամանակավոր լուսավորել է օդաչուների խցիկը, օդանավի հրամանատարը որոշել է շարունակել թռիչքը և մոտ ութ րոպե անց ինքնաթիռը հաջողությամբ վայրէջք է կատարել Շերեմետևո օդանավակայանում։

Սա առաջին նմանատիպ միջադեպը չէ Մոսկվայի երկնքում․ ավելի վաղ նույն տարածաշրջանում օդաչուները նկատել էին անճշտացված թռչող գունդ, սակայն վայրէջքը նույնպես անցել էր անվտանգ, գրում է Лента.ру-ն։