Ադրբեջանն ու Իսրայելը համակարգել են Իրանի դեմ հարձակումները․ իրանցի պատգամավոր

Իրանի Խորհրդարանում ելույթ ունենալով՝ Թեհրանից պատգամավոր Քյամրան Ղազանֆարին ասել է, որ Իսրայելը և Ադրբեջանը սերտորեն համագործակցում են 1993 թվականից ի վեր.

— Այդ ժամանակվանից ի վեր Բաքվում շիաները հալածվում են,

— Իսրայելը զինում և վարժեցնում է ադրբեջանական բանակին,

— համատեղ վարժանքներն ու հետախուզական գործողությունները համակարգվում են Մոսադի, ԿՀՎ-ի և Ադրբեջանի հատուկ ծառայությունների մասնակցությամբ։

Ղազանֆարիի խոսքով՝ Իրանի հետ սահմանին Մոսադի վերահսկողության ներքո տեղակայվել են ռադիոլրտեսության և էլեկտրոնային լրտեսության բազաներ։

Քյամրան Ղազանֆարին նաև մեղադրել է Բաքվին, Թել Ավիվին և Լոնդոնին նախագահ Էբրահիմ Ռաիսիի մահվանը մեղսակից լինելու մեջ։