Bloomberg-ն արձանագրում է՝ Ռուսաստանը հասել է սպասված հաղթանակի

Bloomberg գործակալությունը հայտնել է, որ Ռուսաստանում հունիսին գրանցված գնաճի զգալի դանդաղումը կարելի է համարել Կենտրոնական բանկի երկարատև պայքարի առաջին իրական արդյունքը։ Հոդվածում նշվում է, որ երկիրը, վերջապես, հասել է «սպասված հաղթանակի» գնաճի դեմ պայքարում։

Չնայած դրան՝ տարեկան գնաճը դեռ մնում է բարձր՝ 9% մակարդակում, մինչդեռ ԿԲ-ի թիրախը 4% է։ Փորձագետների կարծիքով՝ գնաճի դանդաղումը կարող է դուռ բացել հիմնական տոկոսադրույքի սպասվածից ավելի արագ նվազման համար։

Սակայն վերլուծաբանները զգուշացնում են երկու հիմնական ռիսկի մասին․ մեկ կողմից՝ ռուբլու ուժեղացումը ժամանակավոր է, իսկ մյուս կողմից՝ բնակչության ինֆլյացիոն սպասումները շարունակում են մնալ բարձր՝ 13%-ի վրա։ Պետդումայի ֆինանսական կոմիտեի ղեկավար Անատոլի Աքսակովը կանխատեսել է, որ ԿԲ-ն հուլիսին կարող է սկսել ավելի ակտիվ դրամավարկային մեղմացում։