Երկնքում նկատվել է հազվադեպ բնական երևույթ

Խաբարովսկի երկրամասի բնակիչները տեսել են երկնքում եզակի տեսարան՝ ծիածան, որը կարծես բաժանված էր երկու մասի։ Տեսարանը նկարահանվել է և տարածվել է սոցիալական ցանցերում, մասնավորապես՝ Amur Mash Telegram-ալիքում։

Հաղորդվում է, որ ծիածանի երկու հատվածները միմյանցից հեռու էին և տեսանելի էին առանձին։ Տեղի լրագրողները նշել են, որ նման երևույթ ոչ բոլորին է պատահում տեսնել, իսկ պատճառ կարող էին դառնալ ուժեղ տեղումներ, արևի ինտենսիվ շողերը և, ինչպես նշվել է հումորով, «մի փոքր երկնային մոգություն»։

Ավելի վաղ Ուֆայի բնակչուհին նկարահանել էր մեկ այլ հազվագյուտ երևույթ՝ արծաթափայլ ամպեր, որոնք հայտնի են նաև որպես մեսոսֆերային կամ գիշերային լուսավոր ամպեր։