Ռուսաստանը սպառնում է ԱՄՆ գեներալին՝ հիշեցնելով միջուկային դոկտրինի մասին

Պետդումայի միջազգային հարցերով հանձնաժողովի ղեկավար Լեոնիդ Սլուցկին կոշտ արձագանքել է ամերիկացի գեներալ Քրիստոֆեր Դոնահյուի հայտարարությանը՝ որ ՆԱՏՕ-ն կարող է «ջնջել Կալինինգրադը երկրի երեսից»։ Սլուցկին նախազգուշացրել է, որ նման գործողությունը կդիտվի որպես հարձակումը Ռուսաստանի վրա՝ բոլոր համապատասխան հակաքայլերով, ներառյալ՝ միջուկային դոկտրինի կիրառմամբ։

Պատգամավորը շեշտել է, որ նման խոսքերն ընդամենը փորձ են հրահրել համաշխարհային պատերազմ և գլոբալ հակամարտություն։ Նա նաև հավելել է, որ ՆԱՏՕ-ն այսօր համարվում է հիմնական սպառնալիքը համաշխարհային կայունությանն ու անվտանգությանը, հայտնում է Лента.ру-ն։

Ավելի վաղ ՌԴ Զինված ուժերի Գլխավոր շտաբի պետ Վալերի Գերասիմովն ընդգծել էր, որ միջուկային զենքի կիրառման պայմանները որոշվում են միայն ազգային սպառնալիքներով, ոչ թե միջազգային պարտավորություններով։