Երեք խոշոր բանկ պատրաստվում են պետական օգնություն խնդրել

Bloomberg գործակալության տվյալներով՝ առնվազն երեք համակարգային կարևորություն ունեցող ռուսական բանկ քննարկում են Կենտրոնական բանկից օգնություն ստանալու անհրաժեշտությունը։ Պատճառը՝ իրենց վարկային պորտֆելների իրական որակը զգալիորեն վատթար է, քան ներկայացվում է պաշտոնական տվյալներում։

Բանկերը մտահոգված են, որ առաջիկա 12 ամիսներին հնարավոր է ունենան կապիտալի համալրման կարիք։ Թե որքան մեծ կլինի ռեկապիտալիզացիայի անհրաժեշտ ծավալը, դեռ պարզ չէ և կախված կլինի խնդրահարույց վարկերի ճշգրիտ քանակից։ Սակայն շուկայում արդեն նկատվում են այդ քննարկումների ակտիվացում։

Թեև ԿԲ նախագահ Էլվիրա Նաբիուլինան հուլիսին վստահեցրել էր, որ «բանկային ճգնաժամի վախերը անհիմն են»՝ շեշտելով 8 տրիլիոն ռուբլու պահուստ և «լավ կապիտալիզացված համակարգ», անկախ վերլուծական կենտրոնները դեռ մայիսին զգուշացրել էին ֆինանսական ռիսկերի կուտակման և համակարգային ճգնաժամի հնարավորության մասին։