Սլովակիան համաձայնել է աջակցել Ռուսաստանի դեմ պատժամիջոցների 18-րդ փաթեթին

Սլովակիան չի խոչընդոտի Ռուսաստանի դեմ եվրոպական պատժամիջոցների 18-րդ փաթեթի ընդունումը ուրբաթ՝ հուլիսի 18-ին։ Այս մասին հայտարարել է հանրապետության վարչապետ Ռոբերտ Ֆիցոն Facebook սոցիալական ցանցում հրապարակված տեսաուղերձում։

«Ես հանձնարարել եմ մեր ներկայացուցիչներին Եվրամիությունում մաքրել ճանապարհը պատժամիջոցների 18-րդ փաթեթի համար (Ռուսաստանի դեմ – հեղ)», - ասել է Սլովակիայի վարչապետը։

Ֆիցոն նշել է, որ Ռուսաստանի դեմ նոր պատժամիջոցների շարունակական արգելափակումը հակաարդյունավետ կլինի էներգետիկ ռեսուրսների վերաբերյալ Եվրահանձնաժողովի հետ բանակցությունների համատեքստում։