Չեխիայի նախագահն արգելել է «կոմունիզմի քարոզչությունը»
Աշխարհ
Չեխիայի Հանրապետությունն ընդունել է «կոմունիստական քարոզչությունն» արգելող օրենք: Ըստ RBC-ի՝ այն ստորագրել է երկրի նախագահ Պետր Պավելը։
Նշվում է, որ կոմունիստական շարժումների ստեղծումը և դրանց աջակցությունը այժմ կարող են պատժվել մինչև 5 տարի ազատազրկմամբ: Արգելքն արդեն քննադատության է արժանացել Բոհեմիայի և Մորավիայի կոմունիստական կուսակցության կողմից, որը հայտարարել է, որ իշխանությունները փորձում են կազմակերպությունը դուրս բերել օրենքից և վախեցնել ընդդիմությանը։
Չեխիայի իշխանությունները մի քանի տարի պայքարում են խորհրդային ժառանգության դեմ: 2020 թվականին Պրահայում ապամոնտաժվել է ԽՍՀՄ մարշալ Իվան Կոնևի հուշարձանը: Քանդման ժամանակ տեղի ակտիվիստների մի խումբ փորձել է կանխել դա, սակայն պարագիծը շրջափակվել է ոստիկանության կողմից: Պրահայում Ռուսաստանի դեսպանատունը բողոք է ներկայացրել Չեխիայի արտաքին գործերի նախարարությանը և խոստացել է արձագանքել Մոսկվայից: Չեխիայի Սենատը խորհրդային գործիչների հիշատակը համեմատել է COVID-19 կորոնավիրուսի համավարակի հետ։
Կոնևի հուշարձանը բացվել է 1980 թվականի մայիսի 9-ին։ Այն քանդակագործ Զդենեկ Կրիբուսի և ճարտարապետ Վրատիսլավ Ռուժիչկայի աշխատանքն է:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
