WhatsApp-ը պատրաստվում է հեռանալ Ռուսաստանից․ իշխանությունները առաջ են տանում սեփական մեսենջերը

Ռուսաստանում քննարկվում է WhatsApp մեսենջերի արգելափակումը, քանի որ այն պատկանում է Meta-ին՝ ճանաչված «ծայրահեղական» կազմակերպություն։ Պետդումայի պատգամավորներն այն անվանում են «ազդեցության գործիք» և «տեղեկատվական արտահոսքի սպառնալիք»՝ առաջարկելով այն ներառել թշնամական ծրագրերի ցանկում։

Իշխանությունները պլանավորում են WhatsApp-ին փոխարինել նոր տեղական մեսենջերով՝ MAX-ով, որը մշակվել է VK ընկերության կողմից։ Այն արդեն ունի հաղորդակցման հիմնական գործառույթներ, ինտեգրված է պետական ծառայությունների հետ և հավակնում է դառնալ ռուսական WeChat։

Telegram-ի ճակատագիրը մնում է անորոշ․ թեև պաշտոնապես գրանցված է Բրիտանական Վիրջինյան կղզիներում, ընկերության կենտրոնակայանը գտնվում է Արաբական Էմիրություններում։ Պետդուման ենթադրում է, որ եթե Telegram-ը շարունակվի պահպանել օրենքները, ապա կշարունակի գործել առանց սահմանափակումների։