Air India-ի վթարի պատճառը կարող էր լինել օդաչուի կողմից վառելիքի անջատումը

Ամերիկյան պաշտոնյաների նախնական գնահատմամբ՝ նախորդ ամսվա Air India-ի աղետալի վթարի պատճառ կարող էր լինել այն, որ կապիտանը անջատել է շարժիչների վառելիքի մատակարարումը։ Կոկպիտից ստացված ձայնագրությունում երկրորդ օդաչուն հարցնում է, թե ինչու են վառելիքի կոճակները տեղափոխվել «կտրված» դիրք, և խնդրում է վերականգնել վառելիքի մատակարարումը։

Հնդկաստանի քննչական բյուրոն չի հաստատում՝ որ օդաչուն է փոխել կոճակները, սակայն արձանագրությունները փաստում են, որ դրանք միաժամանակ՝ մեկ վայրկյանի տարբերությամբ, փոխվել են «run»-ից «cutoff»։ Թռիչքից անմիջապես հետո շարժիչները կորցրել են հզորությունը, և ինքնաթիռը՝ չկարողանալով վերականգնել բարձրությունը, բախվել է մոտակա շինության՝ պատճառելով 260 զոհ։

Քննությունը դեռ շարունակվում է, և հստակ եզրակացություններ չեն ներկայացվել։ ԱՄՆ-ի և Հնդկաստանի փորձագետները համագործակցում են վթարի մանրամասները պարզելու համար։ Առայժմ արձանագրվել է, որ տեխնիկական խափանումներ չեն հայտնաբերվել, իսկ Boeing-ի և շարժիչ արտադրող GE-ի նկատմամբ անվտանգության առաջարկություններ չեն արվել, հայտնում է Reuters-ը։