Ուրուգվայի ԱԳ նախարարն անարդյունավետ է համարում հակառուսական պատժամիջոցները

Ուրուգվայի արտաքին գործերի նախարար Մարիո Լուբետկինը հայտարարել է, որ պատժամիջոցային քաղաքականությունը ինքնին արդյունք չի տալիս։ Նրա խոսքով՝ Ռուսաստանի նկատմամբ կիրառվող սահմանափակումները, ինչպես և նախկինում Կուբայի նկատմամբ կիրառվածները, չեն արդարացրել իրենց։

Լուբետկինը հիշեցրել է, որ Կուբան արդեն 60 տարի գտնվում է պատժամիջոցների տակ, սակայն դրանց արդյունավետությունը մնում է հարցականի տակ։

Նրա հայտարարությունը հնչել է այն պահին, երբ Եվրամիության երկրները հաստատել են Ռուսաստանի դեմ 18-րդ պատժամիջոցային փաթեթը, որը ներառում է սահմանափակումներ «Հյուսիսային հոսք» գազատարների և ռուսական նավթի գնի սահմանման վերաբերյալ, գրում է Лента.ру-ն։