Հայաստանի տարածքով միջանցքի նախագծի իրականացումը կարող է հետաձգվել 12-18 ամսով․ Forbes

Հայաստանի տարածքով միջանցքի նախագծի շուրջ պահպանվում են զգալի ռիսկեր, դիտորդները բանակցությունների լճացման հավանականությունը գնահատում են 60 տոկոս, ինչը հնարավոր է հետաձգի նախագծի իրականացումը 12-18 ամսով: Այս մասին գրում Է Forbes-ը։

«Հայաստանը կտրականապես հերքում է վարձակալության կամ տարածքային վերահսկողության փոխանցման որևէ հարցի քննարկումը, քանզի նախագիծը խոցելի է Հայաստանի կողմից վետոյի համար՝ կապված ինքնիշխանության դեմ ոտնձգության հետ: Նախաձեռնությունն իրենից ներկայացնում է ամերիկյան դիվանագիտական կրեատիվության ավելի մասշտաբային փորձություն։ Հաջողությունը ցույց կտա Վաշինգտոնի՝ մրցակիցների ազդեցությանը հակազդող և միաժամանակ իրական տնտեսական շահերին ծառայող լուծումներ գտնելու կարողությունը։ Անհաջողությունը՝ վիճելի տարածաշրջաններում իրավիճակի վրա ազդելու ԱՄՆ-ի կարողության թուլացումը։

Եվրոպական դաշնակիցների համար այս միջանցքը ճանապարհ է բացում էներգետիկայի իրական դիվերսիֆիկացման համար։ Նախագիծը նաև ստուգելու է՝ արդյոք տնտեսական խթանները կարող են հաղթահարել պատմական դժգոհությունները: ԵՄ-ի զարգացման հիմնադրամներին Հայաստանի հնարավոր հասանելիությունը 2,5 մլրդ դոլարի չափով հզոր խթաններ է ստեղծում փոխզիջման համար, բայց միայն ինքնիշխանության հարցերը պատշաճ կերպով հաշվի առնելու պայմանով: Առաջընթացը կախված է Հայաստանի զգայուն հարցերը հաշվի առնելու և միջազգային աջակցությունը պահպանելու կարողությունից», - գրել է թերթը։