Լիբանանում իսրայելական հարվածներից 10 մարդ է վիրավորվել

Լիբանանի առողջապահության նախարարությունը հայտարարել է, որ Սուր շրջանում Իսրայելի ավիահարվածի հետևանքով վիրավորվել է ինը քաղաքացի: Այս մասին հայտնում է Լիբանանի ազգային լրատվական գործակալությունը (NNA):

Բացի այդ, Սիդոն շրջանի Զրարիե գյուղաքաղաքի վրա Իսրայելի կողմից հասցված ավիահարվածի հետևանքով մեկ երեխա ծանր վիրավորվել է։

Al Mayadeen հեռուստաալիքի տեղեկացմամբ՝ հուլիսի 6-ի երեկոյան իսրայելական ռազմական օդանավերը ռմբակոծել են Բուդայ և Ֆլաուի ավանների ծայրամասային հատվածները, ինչպես նաև Լիբանանի հարավային մի քանի շրջաններ։