Պուտինն ու Էրդողանը հեռախոսազրույց են ունեցել

Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը հեռախոսազրույց են ունեցել և քննարկել Սիրիայում ստեղծված իրավիճակը, հայտնում է Թուրքիայի ղեկավարի գրասենյակը։

 

«Էրդողանը հեռախոսազրույց է ունեցել Պուտինի հետ։ Զրույցի ընթացքում քննարկվել են Թուրքիայի և Ռուսաստանի երկկողմ հարաբերությունները , տարածաշրջանային և համաշխարհային հարցեր։ Էրդողանը նշել է, որ սիրիական անվտանգության ուժերի Սուվեյդայից դուրսբերմանը հաջորդած բախումները սպառնալիք են ներկայացնում ամբողջ տարածաշրջանի համար, և կարևոր է, որ Իսրայելը չխախտի Սիրիայի ինքնիշխանությունը», - հայտնել են Թուրքիայի առաջնորդի գրասենյակից։

 

Էրդողանը նշել է, որ Թուրքիան ձգտում է ապահովել կայունություն և անվտանգություն Սիրիայում և օգնել երկրին որքան հնարավոր է շուտ «ոտքի կանգնել»։