Մոսկվայի մերձակա շրջանների ադրբեջանական համայնքը կարող է լուծարվել

Մոսկվայի մարզում ադրբեջանական սփյուռքի ղեկավար Էլշան Իբրահիմովը չի բացառել կազմակերպության լուծարումը՝ ազգային անվտանգության սպառնալիքի հիմքով։ Նրա խոսքով՝ ներկայիս իրավիճակում «ոչ ոք չի ցանկանում աշխատել»։

Իբրահիմովը արդեն զրկվել է Ռուսաստանի քաղաքացիությունից և արտաքսվել երկրից՝ ըստ հաղորդման՝ անվտանգության սպառնալիք ստեղծելու պատճառով։

Ավելի վաղ հայտնի դարձավ, որ Ուրալի տարածաշրջանում ադրբեջանական սփյուռքի ղեկավարի որդին փորձել է վրաերթի ենթարկել ԱԴԾ աշխատակցի՝ ձերբակալումից խուսափելու ընթացքում, գրում է Лента.ру-ն։