Կրիպտո շուկան գերազանցեց 4 տրիլիոն դոլարի շեմը՝ ամրապնդելով իր դիրքը համաշխարհային ֆինանսներում

Կրիպտոարդյունաբերության շուկայական արժեքը այս շաբաթ գերազանցել է 4 տրիլիոն դոլարը՝ ըստ CoinGecko-ի։ Դրա հիմքում են ինստիտուցիոնալ ներդրումների աճը, կարգավորման հստակեցումները և շուկայում վերականգնված վստահությունը։

ԱՄՆ Ներկայացուցիչների պալատը հաստատել է մի շարք կարևոր օրենքներ, այդ թվում՝ ստեյբլքոյնների կարգավորման մասին նախագիծը, որը փոխանցվել է նախագահ Թրամփին։ Մեկ այլ օրինագիծ արգելում է ԱՄՆ Կենտրոնական բանկին թվային արժույթի թողարկումը։ Փորձագետները կանխատեսում են, որ բիթքոյնի գինը կարող է մինչև տարվա վերջ հասնել $200,000-ի՝ այն արդեն հատել է $120,000-ի շեմը։

Հաջողության ալիքի վրա են նաև կրիպտոարժույթներով զբաղվող ընկերությունների բաժնետոմսերը։ Coinbase-ը և Robinhood-ը հասել են պատմական առավելագույն արժեքների, մինչդեռ Ether-ը վերջին երեք ամսում կրկնապատկել է իր գինը՝ ապահովելով ոլորտի աճը։