Իրանը և Ռուսաստանը զորավարժություններ կանցկացնեն Կասպից ծովում

Իրանը և Ռուսաստանը հուլիսի 21-ին Կասպից ծովում կսկսեն CASAREX 2025 զորավարժությունները՝ երկու երկրների ռազմածովային ուժերի և Իսլամական հեղափոխության պահապանների կորպուսի (ԻՀՊԿ, զինված ուժերի էլիտար ստորաբաժանում) անձնակազմի մասնակցությամբ, հաղորդում է Tasnim պետական լրատվական գործակալությունը։

«Իրանի Իսլամական Հանրապետության ռազմածովային ուժերի կողմից կազմակերպված համատեղ CASAREX-2025-ը ծովային որոնողա-փրկարարական զորավարժությունները կանցկացվեն Կասպից ծովում՝ երեք օր՝ սկսած վաղվանից (հուլիսի 21-ին - խմբ.)... Այս զորավարժությունները կանցկացվեն Բանակի (Իրան - խմբ.) ռազմածովային ուժերի, ԻՀՊԿ-ի, Ռուսաստանի Դաշնության ռազմածովային ուժերի և Կասպյանտարածաշրջանի երկրների դիտորդների մասնակցությամբ», - ասվում է գործակալության հաղորդագրության մեջ։

Tasnim-ը պարզաբանում է, որ զորավարժությունների նպատակը ծովային անվտանգության և Կասպից ծովի երկրների ռազմածովային ուժերի միջև փոխգործակցության մակարդակի բարձրացումն է։