ԱՄՆ–ն ուկրաինական հոկեյի թիմի մարզչին մեղադրել է մանկապղծության մեջ

Ուկրաինական հոկեյի թիմի մարզիչը Միացյալ նահանգներում ձերբակալվել է մանկապղծության մեղադրանքով։ Այս մասին հաղորդում է France-Presse լրատվական գործակալությունը։ 

48-ամյա մարզիչը մեղադրվում է ԱՄՆ մեկնելու ժամանակ 14–ամյա տղայի նկատմամբ սեռական բնույթի գործողություններ կատարելու մեջ։ Ըստ Associated Press–ի՝ երկու երիտասարդ տղաներ ոստիկանությունում նույն վկայությունն են տվել։  

Ըստ նրանց ցուցմունքի՝ հունվարի 3–ի գիշերը մարզիչը և տղաները նույն բնակարանում են գտնվել, որտեղ մարզիչը տղաներից մեկին դրդրել է սեռական բնույթի գործողությունների։ Այնուհետև մարզիչը սպառնացել է տղային, նույնիսկ հարվածել, եթե տղան փորձի դիմել ոստիկանություն։