Գերմանիան պատրաստվում է Ռուսաստանի հետ պատերազմի․ WSJ

Ռուսաստանի ագրեսիայի պատճառով Գերմանիան փնտրում է հասարակական վայրեր, որոնք կարող են արագ և էժան վերածվել ապաստարանների: Այս մասին հայտնում է The Wall Street Journal-ը:

«Ռազմական փորձագետները զգուշացնում են, որ Ռուսաստանը մի քանի տարվա ընթացքում կարող է հարձակվել Արևմտյան Եվրոպայի վրա։ Դա միլիոնավոր խաղաղ բնակիչների անպաշտպան կթողնի հակամարտության դեպքում։ Այժմ գերմանական իշխանությունները շտապում են շտկել իրավիճակը՝ կազմելով հասարակական վայրերի ցուցակներ, որոնք կարելի է արագ և էժան վերածել ապաստարանների», - ասվում է նյութում։

Պարբերականը նշել է՝ Ռուսաստան-Ուկրաինա հակամարտության և Արևմուտքի հասցեին սպառնալիքների ազդեցության տակ Գերմանիան խոստացել է «պատերազմի պատրաստվել» մինչև 2029 թվականը: