Հնացած տեխնիկան սպառնում է Ռուսաստանի բերքի մի մասի կորստով

Forbes-ի տեղեկացմամբ՝ Ռուսաստանում գյուղատնտեսական տեխնիկայի թարմացման խափանումը կարող է հանգեցնել բերքի մասամբ կորստի։ Չնայած սուբսիդիաների ավելացմանը, գյուղտեխնիկայի առաքումները և վաճառքները կտրուկ անկում են ապրել՝ կոմբայնները՝ 61%, տրակտորները՝ 39%, մաքրող մեքենաները՝ 36%։

Մասնագետները զգուշացնում են, որ սարքավորումների ծերացումը նվազեցնում է արտադրողականությունը։ Տեխնիկան շահագործվում է 10 և ավելի տարի, մինչդեռ միջինը այն պետք է փոխարինվի 5-7 տարվա ընթացքում։ Փոքր ֆերմերները չունեն բավարար միջոցներ նոր սարքավորումներ գնելու համար և առավել խոցելի են բնական աղետների դեպքում։

Ֆերմերները փաստում են, որ վթարների պատճառով աշխատանքները ձգձգվում են, արդյունավետությունը նվազում է, իսկ կուտակվող խնդիրները սրվում են տարեցտարի։ Ներկայիս միտումները ոլորտում համարվում են տեխնոլոգիական հետընթաց։