Ռուսական ուժերը հարվածել են Կիևի ռազմական արդյունաբերության կարևոր օբյեկտներին

Ռուսաստանի Զինված ուժերը իրականացրել են հարվածներ Կիևում տեղակայված ռազմական արդյունաբերության կարևորագույն օբյեկտների վրա։ Ռուս ռազմական բլոգեր Բորիս Ռոժինի տվյալներով՝ գրոհի ընթացքում թիրախավորվել են Կիևի ռադիոգործարանը և «Արտյոմ» պետական նախագծային բյուրոն։

Ըստ հաղորդագրության՝ հարվածները հասցվել են «Գերան-2» անօդաչու թռչող սարքերով՝ վնաս հասցնելով զենքի պահեստարաններին և արտադրական համալիրներին։ Նշվում է, որ սա մաս է կազմել ռուսական լայնածավալ օդային գործողության։

Ավելի վաղ ռուսական կողմը հարվածներ էր իրականացրել նաև Խարկովի և շրջակա տարածքների վրա՝ թիրախավորելով ուկրաինական բանակի տեղակայման վայրերն ու ենթակառուցվածքները, գրում է Лента.ру-ն։