Մահացել է թատրոնի և կինոյի դերասանուհի Տատյանա Եգորովան

Թատրոնի և կինոյի դերասանուհի Տատյանա Եգորովան մահացել է 82 տարեկան հասակում։ Այս մասին հուլիսի 21-ին հաղորդվել է Ռուսաստանի կինեմատոգրաֆիստների միության կայքում։

«Մահացել է թատրոնի և կինոյի դերասանուհի, Ռուսաստանի կինեմատոգրաֆիստների միության անդամ Տատյանա Նիկոլաևնա Եգորովան (08.01.1944 – 21.07.2025)», - ասվում է նյութում։

Դերասանուհու առաջին դերը 1965 թվականին էր՝ Գրիգորի Լիպշիցի «Մայիս ամիսը» ֆիլմում։ Եգորովայի ստեղծագործական կենսագրությունը ներառում է ավելի քան 30 ֆիլմ, այդ թվում՝ «Ցատկելու իրավունք», «Կռունկ երկնքում», «Մի անգամ, քսան տարի անց», «Արմավիր»։ Երկար ժամանակ նա ծառայել է Սատիրայի թատրոնում։