Շեյխերը կապ չունեն. բռնության զոհ դարձած ուկրաինացի մոդելը լռությունը խախտում է
Համաշխարհային Մամուլ
Դուբայում ողբերգական միջադեպի մեջ հայտնված ուկրաինացի մոդել Մարիա Կովալչուկը առաջին անգամ հրապարակայնորեն պատմել է դեպքի մանրամասները։ Նրա խոսքով՝ իրեն անդամալույծ վիճակում թողել են ոչ թե էմիրությունների պաշտոնյաներ կամ շեյխեր, ինչպես շշուկներ էին տարածվել, այլ ռուս և ուկրաինացի գործարարների զավակներ, որոնց հետ նա պատահաբար հայտնվել է նույն հյուրանոցի երեկույթում։
Մարիան մանրամասնել է, որ իր վրա հարձակվել են 19-ամյա Արտյոմ Պապազովը՝ Cinnabon ֆրանշիզայի ռուս սեփականատիրոջ որդին, և Ալեքսանդր Լապտինսկին՝ Բելառուսից։ Նրանք, ըստ մոդելի, ոչ միայն ծեծի են ենթարկել իրեն, այլ նաև քարշ տալով՝ դուրս են նետել բարձրահարկ շենքից։ Մոդելը մի քանի վիրահատությունների է ենթարկվել և այժմ չի կարողանում քայլել, տեղափոխվում է անվասայլակով։
Չնայած իրավապահների արձագանքին՝ ենթադրյալ հանցագործները ազատ են արձակվել ընդամենը մեկ օր անց։ Կովալչուկի մայրը հայտարարել է, որ ոստիկանությունը կեղծել է դստեր ցուցմունքը՝ փորձելով դեպքը ներկայացնել որպես ինքնասպանության փորձ։ Դուբայի իշխանություններն իրենց կողմից փոխհատուցել են բուժման ծախսերը՝ պայմանով, որ մոդելի ընտանիքը դեպքի մասին չխոսի բացասական լույսով։
20-ամյա աղջիկը և նրա մայրը հարցազրույց են տվել Քսենիա Սոբչակին:
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
