AstraZeneca-ն հայտարարում է 50 միլիարդ դոլար ներդրման մասին ԱՄՆ-ում՝ հնարավոր մաքսային պատժամիջոցների ֆոնին

Բրիտանա-շվեդական դեղագործական հսկա AstraZeneca-ն մինչ 2030-ը պատրաստվում է ներդնել 50 միլիարդ դոլար՝ ԱՄՆ-ում արտադրական և հետազոտական կարողությունները մեծացնելու համար։ Նոր գործարանը կկառուցվի Վիրջինիայում, իսկ Մերիլենդում, Տեխասում, Մասաչուսեթսում և այլ նահանգներում կբարելավվեն բջջաբուժության և կլինիկական մատակարարման կենտրոնները։

Այս որոշումը կայացվել է նախագահ Դոնալդ Թրամփի նոր մաքսային քաղաքականության ֆոնին, որը պարտադրում է դեղագործական ընկերություններին տեղափոխել արտադրությունն ԱՄՆ։ AstraZeneca-ն հայտնել է, որ նպատակ ունի տարեկան հասույթը հասցնել 80 միլիարդ դոլարի՝ դրա կեսը ստանալով ԱՄՆ շուկայից, որը 2024-ին արդեն ապահովում էր ընկերության եկամտի 40 տոկոսը։

Ներդրումը հնարավոր է ստեղծի տասնյակ հազարավոր աշխատատեղեր, սակայն կոնկրետ թվեր չեն հայտարարվել։ Վիրջինիայում կառուցվելիք գործարանը կլինի ընկերության պատմության մեջ ամենախոշոր կապիտալ ծախսը և կարտադրի նոր սերնդի քաշի նվազեցման և խոլեստերինի կարգավորման դեղամիջոցների հիմնական բաղադրիչները։