ՌԴ ՆԳՆ-ն խստացնում է վերահսկողությունը Ուկրաինայի քաղաքացիությունից հրաժարվողների նկատմամբ

Ռուսաստանի ներքին գործերի նախարարությունը (ՆԳՆ) նոր կարգ է հաստատել, համաձայն որի՝ տարածքային ստորաբաժանումների ղեկավարների տեղակալներին իրավունք է տրվում ստուգել՝ արդյոք Ուկրաինայի քաղաքացիությունից հրաժարվելու մասին դիմում ներկայացրած անձը շարունակում է օգտվել ուկրաինական անձնագրից։ Այս մասին հաղորդում է РИА Новости-ն՝ հղում անելով ՆԳՆ միգրացիոն վարչությանը։

Եթե պարզվի, որ քաղաքացիությունից հրաժարվելու դիմումից հետո անձը շարունակում է օգտագործել ուկրաինական անձնագիրը, ապա նրա դիմումը կճանաչվի անվավեր։ Նոր դիմում նա կկարողանա ներկայացնել միայն 10 տարի անց։

Ուկրաինա-Ռուսաստան երկքաղաքացիություն ունեցող անձինք 2023 թվականից կարող են հրաժարվել ուկրաինական քաղաքացիությունից՝ պաշտոնապես հայտ ներկայացնելով։ Սակայն դրանից հետո նրանց արգելվում է օգտագործել Ուկրաինայի անձնագիր կամ այդ երկրի քաղաքացիին վերապահված իրավունքներ։