Վիրաբույժները հեռացրել են գլխուղեղի վրա աճող հսկա ուռուցք

Սվերդլովսկի մարզում բժիշկները հաջողությամբ հեռացրել են տղամարդու գանգոսկրն աղետալիորեն ոչնչացնող 15 սմ տրամաչափով ուռուցք։ Ըստ տարածաշրջանի առողջապահության նախարարության՝ բարդ նեյրոօնկոլոգիական վիրահատությունը տևել է յոթ ժամ։

Ուռուցքը, որը արտաքինից էլ արդեն տեսանելի էր մոտ 10 սանտիմետրով, խորը ներթափանցել էր գանգի մեջ։ Հետաքրքիրն այն է, որ հիվանդն առանձնապես ախտանիշներ չէր ունեցել։ Վիրահատության ընթացքում բժիշկները նախ փակել են սնուցող անոթները, այնուհետև առանձնացրել ուռուցքը ուղեղից, տեղադրել տիտանի ցանց՝ գանգոսկրի պրոթեզի դերով, իրականացրել մաշկի և երակային պլաստիկա, հայտնում է Лента.ру-ն։

Նման բարդության դեպքերը հազվադեպ են, իսկ հաջողված վիրահատությունն ակնառու օրինակ է ռուս նեյրովիրաբույժների փորձառության։