Մոտ 9,5 հազար դատապարտյալ համալրել է Ուկրաինայի Զինված ուժերը, այդ թվում՝ 100 կին

Ուկրաինայի քրեակատարողական ծառայությունը հայտնել է, որ շուրջ 9,500 դատապարտյալ արդեն ծառայում է Ուկրաինայի զինված ուժերում։ Նրանց թվում կան նաև շուրջ 100 կին, ովքեր ներգրավված են հիմնականում կապի, լոգիստիկայի և բժշկական ապահովման ստորաբաժանումներում։

Ծառայության տվյալներով՝ մեծ մասը ծառայում է առաջնագծում՝ կատարելով տարբեր մարտական կամ օժանդակ գործառույթներ։ Կանանց ընդգրկումը, ըստ աղբյուրի, նպատակաուղղված է մասնագիտացված աջակցման միավորումների ուժեղացմանը։

Ավելի վաղ The Times-ը տեղեկացրել էր, որ Ուկրաինայի զինուժը հատուկ հետաքրքրություն է ցուցաբերում այն դատապարտյալների նկատմամբ, որոնք մեղավոր են ճանաչվել սպանության, ինչպես նաև ամենատարածված հոդվածների՝ խարդախության և գողության համար, հայտնում է Лента.ру-ն։