Թույլ գաղտնաբառը 158-ամյա ընկերության սնանկացման պատճառ է դարձել

Միայն մեկ կոտրված հաշիվ է հանգեցրել Մեծ Բրիտանիայի 158-ամյա տրանսպորտային ընկերության՝ KNP Logistics Group-ի սնանկացմանը  ։ Akira անվամբ գործող հաքերների հարձակումը հանգեցրել է գործունեության լիակատար դադարեցման և 700 աշխատակցի աշխատանքից ազատման, հաղորդում է IT-Daily-ն ։

Դեպքը տեղի է ունեցել 2023 թվականին, երբ հարձակվողները մուտք են գործել ընկերության ներքին համակարգեր՝ կռահելով աշխատակիցներից մեկի թույլ գաղտնաբառը։ Դրանից հետո ընկերության բոլոր տվյալները՝ սկսած լոգիստիկայից և երթուղիների ժամանակացույցից մինչև հաշվապահություն և հաճախորդների տեղեկատվություն, կոդավորվել են փրկագին պահանջող ծրագրի միջոցով։