Ռուսական շոու–բիզնեսի «Իմպերատրիցան» նշում է իր 60–ամյակը

Այսօր ռուսական շոու–բիզնեսի հայտնի ներկայացուցիչ, Ռուսաստանի ժողովրդական արտիստ՝ երգչուհի Իրինա Ալեգրովան նշում է իր 60 ամյակը։ Երգչուհու պրոդյուսերը «Pravda.ru»–ին հայտնել է, որ «Իրինա Ալեքսանդրովնան իր ծննդյան օրը նշում է արտերկում և առհասարակ նա իր ծննդյան օրը նշում է հանդարտ միջավայրում»։

Երգչուհու կարիերան սկսվել է 1970–ականներից, իսկ 1980–90–ականներին լայն ճանաչում ձեռք բերեց իր լավագույն կատարումներով։ 

Անցյալ տարվա վերջին երգչուհին հայտարարել էր, որ պատրաստվում է հեռանալ բեմից։ 

Իրինա Ալեգրովան ծնվել է 1952 թվականի հունվարի 20–ին՝ Դոնի–Ռոստովում։ 12 տարեկան հասակում նա իր ընտանիքի հետ տեղափոխվել է Բաքու, որտեղ սովորել է երաժշտական դպրոցում։ Այնուհետև պատրաստվել է ընդունվել Բաքվի կոնսերվատրոիան, սակայն հիվանդության պատճառով չի կարողացել շարունակել ուսումը։  

«ԼՈՒՐԵՐ.com»–ի ողջ անձնակազմը նույնպես շնորհավորում է ազգությամբ հայ երգչուհու 60–ամյակը։