ԱՄՆ-ն երրորդ անգամ լքում է ՅՈՒՆԵՍԿՕ-ն
Աշխարհ
Դոնալդ Թրամփը որոշել է, որ Միացյալ Նահանգները պետք է դուրս գա ՅՈՒՆԵՍԿՕ-ից՝ Միավորված Ազգերի Կրթության, Գիտության և Մշակութային Կազմակերպությունից, հաղորդում է New York Post-ը՝ հղում անելով Սպիտակ տան մամուլի քարտուղարի տեղակալ Աննա Քելլիին։
Նրա խոսքով՝ ԱՄՆ նախագահը այս որոշումը կայացրել է, քանի որ ՅՈՒՆԵՍԿՕ-ն աջակցում է «վիճահարույց, պառակտող մշակութային և սոցիալական նախագծերին, որոնք լիովին հակասում են առողջ բանականությանը և այն քաղաքականությանը, որի համար ամերիկացիները քվեարկել են նոյեմբերին»։
ԱՄՆ-ի ՅՈՒՆԵՍԿՕ-ից դուրս գալու մասին տեղեկատվությունը հաստատել է նաև Reuters-ը՝ հղում անելով երկու դիվանագիտական աղբյուրների։
Սպիտակ տան խոսնակին հղում անելով՝ «New York Post-ը»-ը նշում է, որ Թրամփի վարչակազմը ՅՈՒՆԵՍԿՕ-ն համարում է «պաղեստինամետ և չինականամետ» կազմակերպություն։
Միացյալ Նահանգները արդեն հայտարարել էր ՅՈՒՆԵՍԿՕ-ից դուրս գալու մասին 2017 թվականի հոկտեմբերին՝ Թրամփի առաջին նախագահական ժամկետի ընթացքում։ Այդ ժամանակ վարչակազմը այս որոշումը բացատրում էր կազմակերպության՝ Միացյալ Նահանգների կարծիքով, հակաիսրայելական քաղաքականությամբ և ՅՈՒՆԵՍԿՕ-ն բարեփոխելու անհրաժեշտությամբ։ Ջո Բայդենը չեղյալ հայտարարեց Թրամփի որոշումը 2021 թվականին պաշտոնը ստանձնելուց հետո։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
